Docentenan di Colegio San Antonio a haya sa con pa balia salsa

ORANJESTAD (AAN): Manera por a nota, cu Colegio San Antonio MAVO na Santa Cruz ta keda organiza actividad y tambe ofrece cariño special na e team di docentenan.

   Recien nan a cera un dia di workshop cu un sorpresa pa e docentenan.  Esey a bin den forma di les sorprendente di salsa y bachata.  Esaki a worde ofreci door di e conocido Reggy y Melitza di Aruba Salsa.

   Balia y laga e ritmo latino tuma over, tambe ta un forma pa distrae y relaha e mente.   E docentenan a hari y pasa pret sigur.   Di e forma aki tambe esnan na cabes di Colegio San Antonio a bisa e docentenan: “Nos ta aprecia boso trabao, danki!”