Exitoso Conferencia di ICE a ser teni na Aruba cu tema di sostenibilidad  

ORANJESTAD (AAN): E conferencia a wordo considera un exito.  Ta trata aki di un “Incentive Conference Experience” conoci como ICE.

   E compania local ECO Destination Management Services di Aruba y Curacao den colaboracion cerca cu varios otro partner local, a aprecia e honor di ta anfitrion di e di 25 reunion di ‘Meeting & Incentive Buyers & Prospective Clients’ manera tambe 20 profesionalnan for di hotelnan renombra internacional, liñanan crusero y hunta di turista, na Aruba y Curacao, pa dos experiencia consecutivo di tres dia riba dos isla.

   Originalmente, Cathy Jones, presidente di Site Southeast Chapter a acerca ECO DMS den Augustus 2019, e tabata desea pa Wichita Villacres pa lidera un Incentive Conference Experience, ICE, den Augustus 2020.

   E plan a bin ta realisa su mes den September 2021, ora cu Aruba a brinda ICE un programa inovativo, cu un tema di sostenibilidad, subrayando Aruba su practicanan ambiental.

   Manera un destinacion popular di vacacion, Aruba a bini ta introduci practicanan sostenibel den bida diario y den su producto turistico, incluyendo medidanan extensivo di siguridad y salud, protegiendo localnan y bishitantenan post-pandemia.  E programa ICE tabata yena cu contenido subrayando e tres aspectonan sostenibel desea pa turismo: Economico, Ambiental y Social. 

   Sostenibilidad a bira e enfoke principal pa esnan cu a atende e programa di ICE na momento cu nan a bishita Santa Lucia Landhuis y Cunucu, un reserva di naturalesa hopi bunita den e curason di e isla.

   Miembronan di comision Cindie Brown/Aruba Marriott, Karen Carini/Four Season Hotels y Wichita Villacres, ECO DMS, ta raporta cu e programa tabata un exito completo danki na participacion di e hotelnan di Aruba y otro isla socionan.

   Esnan cu a atende e programa di ICE a check-in na Hilton Aruba Caribbean Resort & Casino y worde sorprendi por medio di servicionan di camber ambientalmente comfortable por medio di ECO DMS y Aruba Convention Visitors Bureau. Prome cu e dinner di bon bini na Aruba Hilton, un donacion generoso a worde brinda na FCVR, un fundacion nacional contra violencia, bao liderazgo di Magali Maduro.

   Un mainta di Yoga, Health & Wellness a sigui, presenta pa Curacao Tourist Office na Hilton Aruba Caribbean Resort & Casino, incluyendo un rato di Yoga cu instructor Maura Zhang, sigui pa un Educational General Session. Esaki a inclui presentacionnan di Annie Meehan y Holy Duckworth, y tambe algun expertonan local.

   Kedando fiel na e mision di ICE, solamente productonan di cunukeronan local a worde uza den e preparacion di e lunch, di Ritz-Carlton Aruba, na unda tur hende tambe a disfruta di bebidanan original y refrescante. Milouska Briezen a sorprende e forum liderando un les di relahacion net prome cu lunch.
   E evento parti anochi na Marriott Aruba Resort & Stellaris Casino tabata lidera pa General Manager nobo Raoul Lemmerling, unda cu a inclui un site inspection original sigui pa un presentacion fantastico di cuminda, por medio di agricultornan local, traha cu expertisio door di e brigada culinario di e resort.
   E anochi tambe a inclui contribucion na e Banco di Cuminda, manda pa ECO DMS na e Rehabilitation Center na San Nicolas, un facilidad na unda adictonan ta recupera.  Como parti di e programa, ECO DMS a deliver e cuminda na e centro aki riba tur anochi consecutivo, transporta den containers bio-degradable, y re-uzabel.
   Nan a pasa nan siguiente mainta despues na Santa Lucia Landhuis y Cunucu, cu ta un reserva chikito y scondi uzando recursonan cu bo por renoba, contribuyendo na un Zero Waste World cu uzo di solar panels y solar lights. Den futuro, e localidad aki lo instala un cunucu di solar panel pa colecta energia.

   Esnan cu a atende e ICE Program a siña tocante esfuersonan ambiental di e reserva, a experiencia un circulo di meditacion cu Holly Duckworth introduciendo su “Health Snackables”, y a scucha for di Sanju Luidens di Aruba Tourism Authority, riba e isla di Aruba su esfuersonan pa practicanan sostenibel. 

   E evento principal na Cas di Wichi, un cas di cunuco bieu local, restora y mehora na 2016, a inclui chefnan local y artistanan, presentando un menu Arubano di specialidadnan local, cu un smaak vibrante, como tambe pintamento y musica di Caha di Orgel.  E evento di e anochi, un Kuko Kunuku party bus, kende a pasa busca tur hende pa keiro un anochi den ciudad.

   Durante e tres anochinan di e programa di ICE na Aruba, tur donacion di cuminda a worde brinda den containernan special re-uzabel, na e Rehabilitation Center na San Nicolas na final di cada anochi.  ECO DMS y su team completo ta kere cu sostenibilidad ta proteha nos sistema ecologico, preserva recursonan natural y ta mehora calidad di nos bida pa futuro generacionnan. E compania ta aplaudi Site SE pa e iniciativa y ta sostene su meta.

   “Nos tabata contento di por a colabora cu SITE Southeast Chapter, y asina engrandece nos compromiso na nos destinacion y su futuro clientenan,” Villacres a conclui,  na nomber di su staff den Aruba y Curacao. Villacres tambe a worde expresa cu hopi gratitud na su staff pa e esfuerso grandi haci pa henter e team, ehecutando e programa tremendamente.  E compania local despues a ricibi varios carta di gradicimento expresando hopi aprecio pa e experiencia educacional na ambos Aruba y Curacao.