ORANJESTAD (AAN): Recientemente One Happy Island Lions Club pa di 4 aña consecutivo a organisa un Peace Poster Contest.
E competencia di pintamento aki ta tuma lugar mundialmente y e club local aki pa di 4 aña a organise aki na Aruba.
Muchanan cu a inscribi a presenta riba diasabra mainta unda nan a expresa nan creatividad pa e tema di aña 2024 cu ta “Peace without limits”.
Tur mucha a haya durante dia un desayuno light y merdia a come un dushi pizza.
E mainta aki a wordo guia door di Juffrouw Jessica Franken y meneer Franklin Adamus. Nan a wordo asisti door di e miembronan di One Happy Island Lions Club.
Na comienzo di December durante un fiesta di Pasco pa nos muchanan e ganador absoluto pa One Happy Island Lions Club a ricibi su premio.
Ganadora di evento aki ta Laura Santiago. Laura su pintura a representa nos club na e competencia di nos districto 35N na Florida, na Merca.
Un danki imenso ta hay pa juffrouw Jessica y meneer Franklin pa nan tremendo aporte na e evento aki.
Danki tambe na nos sponsors Subway y UTLT General Contractors NV.
Y mas cu claro tambe na tur e miembronan di One Happy Island Lions Club pa nan dedicacion na organisa e evento aki.
https://diario.aw/categories/noticia/general/exitoso-concurso-local-pa-pintamento-di-poster-di-paz#sigProId3983e9d085
