Tabatin tres dia di Paranda Nacional di Dande coriendo rond riba truck

Tocando dushi Dande pa pueblo

ORANJESTAD (AAN): Go Cultura Foundation, hunto cu Departamento di Cultura Aruba, Unoca, Gobierno, Aeropuerto di Aruba, Setar NV, a organiza e Paranda Nacional di Dande riba trailer.

   E prome dia tabata Diasabra 28 di December, for di 5:00 pm y a termina pa 8:45 pm. Ruta di e ambiente a cuminsa na Kinderhuis Imeldahof, sigui pa Centro Deportivo Frans Figaroa, High Rise Hotel Area y Kapel di Tanki Leendert.

   Riba Dialuna 30 di December, a pasa na e.o. Aeropuerto Internacional Reina Beatrix, tambe a pasa na Thuiszorg Jaburibari, sigui pa Centro di Bario Dakota, y finaliza na Setar na Irausquin Plein na Playa.

   Riba Diamars 31 di December, e Paranda Nacional di Dande a bay bishita Casa Cuna na Pos Chiquito, a sigui pa Huize Maris Stella na Savaneta, a bay na Aruba Carnival & Entertainment Village na San Nicolas, sigui pa Centro di Bario Brazil, y finaliza na parkinglot di Club Estrella na Santa Cruz.

   E organizadonan a keda contento cu e reaccion di comunidad, amante di bon musica, amante di dande, cu a yega na e lugarnan aki y disfruta di bon musica, cu animacion di Edjean Semeleer.