ORANJESTAD (AAN): Diasabra 4 di januari ’25, Pa 7 or di mainta tin Santo Sacrificio di Misa na Kapel di Alto Vista y den Kapel di Blue Army na San Nicolas.
Prome cu Santo Misa ta resa Santo Rosario pa 6.15 “Misterio Gososo”, despues ta sigui cu Salve Regina. Luna di Januari ta luna dedica na Mama Maria , Mama di Dios.
Aña HUBILEO 2025
Bon Aña Nobo na tur hende. E aña aki no ta un aña ordinario den bida di Iglesianan, pero un Aña di Hubileo. Papa Francisco a proclama 2025 como Aña di Hubileo, cu e tema: “Peregrinonan di Speransa”. Aña di Hubileo cu ya a cuminsa na 1300, ora cu Papa Bonifacio V111 a invita tur fielnan di Roma pa ta tempo di peregrinacion, penitencia, renobacion y gana indulgencia plenaria. Di e tempo ey, Añanan di Hubileo a tuma luga cada 25 aña, a bira momentonan significante den bida spiritual den Iglesianan.
Mama Maria ta entercede pa nos na nos Tata Celestial. Cu tur fiel bin resa e Santo Rosario pa bienestar di henter comunidad di Aruba y tur islanan.
Papa Francisco, Obispo Luis Secco, tur sacerdote, Diacono y laiconan cu ta hiba e bon noticia pa e pueblo di Dios. Pa nos Gobernantenan y tur cu ta carga responsabilidad pa nos pais Aruba. Pa enfermonan den hospital, den Hospic y den exterior. Cu Dios Santo sana enfermonan y pronto nan regreso na cas.
Cu Mama Maria scucha sclamamento di esnan cu ta biba cu miedo y hamber. Sin cas, sin awa y sin cuminda. Henter nan bida ta destrosa bou di guera y perdido di nan sernan keri. Mas cu nunca, ban resa Santo Rosario pa PAZ na Medio Oriente. PAZ den hogarnan na Aruba y nos ruman nan riba otro islanan
Ban hinca rudia busca refugio na nos Mama Celestial
Den nos oracionnan resa pa Ucrania y Rusia cu nan por yega na e pas desea y Palestina cu ta sufri masha .
