Colegio Nigel Matthew a pone e team campeon di Volleyball riba nan Wall of Fame

ORANJESTAD (AAN): Manera ta conoci, recientemente e team di Volleyball Femenino di Colegio Nigel Matthew di San Nicolas, a bira campeon di Weganan Interinsular di islanan Aruba, Bonaire, Curaçao.

   E competencianan aki a tuma lugar den Centro Deportivo Betico Croes, y e team di Colegio Nigel Matthew a demostra disciplina, cu bon teamspirit y pasion puro pa e wega, y a domina e torneo aki cu un clean sweep.  Nan a gana tur competencia y set, tanto contra team Aruba 2, contra Curaçao y tambe Bonaire.

   Den e final contra Bonaire, nan a gana e wega claramente convenci cu score di 25-9 y 25-8, y merecidamente ta yama nan mes campeon.  E MVP di wega a bira Nayah Whitfield.

   Recien durante pauze na scol, a honra e atletanan aki cu a representa e scol, y a ricibi certificado y nan potret a wordo poni tambe riba e Wall of Fame cu e Scol tin pa pone tur alumno cu logronan grandi den spotlight.  Merecidamente esaki tabata!