Exitoso Accion di Caha di Sapato den bario di Piedra Plat

ORANJESTAD (AAN): Generalmente riba diabierna atardi e muchanan di Club Oansa Piedra Plat tin nan actividad na FCFPP.

Sinembargo, diabierna 1 di december ultimo tabatin un actividad diferente. E atardi ey e muchanan di bario hunto cu esnan di Oansa  a bishitá 30 adulto mayor di bario Piedra Plat y vecindario. E muchanan a keda repartí den grupo chiquito cu 2 lider.

   Na cada cas a entrega un caha di sapato bunita decora y aden regalitos pa uso personal. Tur hende a keda contento cu e bishita, specialmente e personanan  cu no ta move hopi mas pafor di nan cas tabata hopi emociona cu cantamento, abrazos y regalitos. E muchanan tabata contento di por a comparti un rato alegre cu nos grandinan.

   E accion di caha di sapato ta un iniciativa di Fundacion Centro Famia Piedra Plat den cooperacion cu e mayornan di e muchanan / CEDE Aruba / Barionan Unico.  Un palabra di gradecimento na tur e lidernan y boluntarionan cu a coöpera pa haci e accion di caha di sapato aki