Ex-politico Colombiano conoci como ‘Marlboro Man’ a finaliza su castigo na Merca

El a regresa Barranquilla - ORANJESTAD (AAN): El a bira conoci na comienzo di decada di 2000, ora e tabata introduci via contrabando tur siman na Colombia,

cargamento di te cu 400.000 botter di whisky y tambe 2 miyon carton di cigaria Marlboro procedente di Aruba.

   Ta trata aki di ex-Senador, Samuel Santander Lopesierra kende a caba di sinta un castigo di 18 aña den prison na Merca, pa narcotrafico y contrabando.

   Na aña 2003 el a wordo extradita pa Merca, unda el a wordo huzga pa transporte di droga y contrabando pa e pais ey.

   Samuel Santander Lopesierra ta procedente di Maicao (La Guajira), y el a bira hopi rico mes door di importa na forma di contrabando, cargamento grandi di whisky y cigaria for di Aruba.  El a cuminza cumpra hopi edificio, centro comercial y mansion.  Husticia Colombiano a cuminza actua contra dje e tempo aya, y en total 91 propiedad di dje a wordo confisca, na varios departamento di e pais.

   Awor cu el a yega Colombia bek, Ministerio Publico ta revisando si acaso tin algun acusacion ainda activo contra dje.

   Famianan di Marlboro Man a pone varios potret riba social media unda bo ta mire ta wordo ricibi pa su sernan keri.