ORANJESTAD (AAN) – Docter Wilmer Salazar, den su declaracion pa prensa, durante e vacunathon di Diadomingo ultimo,
a elabora ampliamente riba e caracteristicanan di e variante Delta di Covid-19, manera por a lesa den un prome articulo.
“Purba cu inmunidad natural pa contraresta e variante Delta, ta baha nos defensa, incluyendo e parti di vacuna. Pero, e vacuna di MRNA di Pfizer y Moderna, tin e bentaha cu nos ta proteha un 88% pero nos mester tin e di dos vacuna. Cu e di dos vacuna ainda ta garantiza cu e vacuna aki ta proteha nos contra e otro variantenan, incluyendo Delta”, dr. Salazar a señala.
E seguridad di e vacuna ta wordo comproba rond mundo. No pa e compania farmaceutico, pero si pa tur instancia di salud di cada pais, incluyendo organismonan regulatorio di medicamento y di vacuna. Mi ta papiando di FDA, CDC di Merca, EMA cu ta e agencia di medicamentonan europeo, y di Organizacion Mundial di Salud, RIVM y Departamento di Salud Publico di Hulanda. Es decir, nos tin na nivel mundial un garantia cu e vacuna por funciona manera mester ta y cu su seguridad ta poni riba e parti di comprobacion”, Docter Wilmer Salazar a bisa enfaticamente.
