Evento di ‘Foodstock’ a resulta di ta un gran exito

ORANJESTAD (AAN): Recientemente ta hopi hende a subi caya pa acudi na e evento exitoso di ‘Foodstock’. 

Un actividad organiza door di CMB Caribbean Mercantile Bank, pa trece ambiente di bende cuminda di caya cu Food Trucks, combinando esaki cu musica, alegria, y cuminda delicioso.  Alavez cu e meta principal pa recauda fondo Fundacion Contra Violencia Relacional (FCVR) cu nan bon meta.

   E nomber oficial ta “Aruba Foodstock Block Party 2023” y publico a reacciona masalmente!  E actividad cu a socede patras di e sede principal di CMB Bank na Playa, a yena di trempan caba cu publico cu a bin pasa un anochi agradable, memorable, y sigur satisfactorio.

   A pone cierto cantidad di ticket disponible pa wordo bendi pa cuminda y mas, y e evento pesey a bira uno sold-out.  E organisadornan ta hopi agradecido na e bon yudansa di comunidad.

   Nan a logra asina yega na un contribucion di 50.000 Florin pa Fundacion FCVR.  Tur hende a disfruta di tremendo cuminda, musica, y weganan pa grandi y chikito.