Esnan di Kiwanis Club of San Nicolas a haya sa mas di procedimento Parlamentario

ORANJESTAD (AAN): Kiwanis Club of San Nicolas recien a ricibi un presentacion hopi interesante y revelador riba e procedimentonan Parlamentario.

   Esaki a wordo duna door di George ‘Guito’ Croes, y e miembronan di Club a aprecia esaki enormemente.  Nan a mira cu su experticio y dedicacion ta contribui na reforza nan mision di liderato y servicio den comunidad.

   Nan a aprecia su tempo y dedicacion pa empodera nan miembronan di conocemento asina balioso.  Nan ta gradici Croes pa marca e diferencia.  Na final a haci entrega di un regalito na Croes pa su aporte enorme.