Esnan cu ta planta mata tin di probecha pa colecta awa di yobida

Temporada di Horcan

ORANJESTAD (AAN): Kizas bo ta pensa un poco mas extremo cu pakico mester colecta awa si e temporada di horcan a cuminsa y mester pensa riba seguridad di bo hogar y bo famia. Claro esey semper ta bin na prome lugar.

   Percura no solamente riba bo hogar y bo famia so pero tambe tira un bista rond den cura kico por tin los cu si e biento supla mas duro cu normal e no bula algo cu ta los cu e por causa daño na bo mes, bo famia of cay riba bo auto. Percura pa tur locual ta los cu por bula bay por tin un manera pa sea drecha of pone di tal forma cu e no ta causa nigun peliger ni pabo mes y mucho menos pa otro.

   Recientemente algun studiante cu a bin Aruba como stagaire a haci un estudio riba colectamento di awa cu a duna indicacion cu tin tur posiblidad pa haci esaki. Ta simplemente mester tin e boluntad pa haci esaki. Mester tin e tankinan blanco di 1.000 liter pa por colecta e awa y mester percura pa por tin e gootnan instala na e rand di daki di cas. Logicamente si e cas ta dispone di e regenbak lo ta ideal pa haci esaki.

   Awa ta keda caro si bo ta keda usa esaki pa cultivo chikito mes cu kisa bo por tin. Imaginabo cu ta cultivo mas grandi lo no ta ni di papia mes.

   Departamento di Agricultura, Cria y Pesca Santa Rosa semper ta keda motiva y concientisa tur esnan cu ta cultiva un of otro product, sea fruta of berdura pa haci lo maximo cu na momento cu tin un poco awasero pa purba na colecta esaki. Temporada di Horcan berdad ta den porta pero lo ta bon berdad pa haci algun preparacion y/of inversion pa por yega na sea ta bari of tankinan blanco di 1.000 liter pa por colecta poco awa.

   Claro mas tanki of bari cu por tin ta mas awa bo por colecta cu por tin un duracion mas largo pa iriga bo cultivo. Inverti den “gootnan’ rond di e dak di cas cu por “catch” e awa y conecta esaki pa e bay na e bari of tankinan cu por tin. Percura si na momentto cubo ta colecta awa den bari of tankinan pabo no crea otro tipo di problema.

   Referiendo na crea un criadero di sangura cu por bira Dengue y trece bo salud y dibo famia den peliger. Ta casonan cu a yega di pasa pa motibo cu e bari of tankinan na momento cu awa a worde colecta nan no a worde tapa y esaki a trece cune e problematica di sangura di Dengue. Percura pa por tin un manera pa pone un tapa pa e bari of e tanki. Por usa tambe un tshirt cu no ta worde usa mas y cu por habri esaki y fungi como un tapa pa e bari of tanki. Si por usa e mesun tapanan di e tanki. Por haya cumpra tambe productonan special pa tira den e awa contra e sangura. Asina evita cu e sangura ta pone webo den e awa y aseki ta transforma den e larva y despues e larva ta bira e sangura di dengue. Mescos ta conta pa regenbak, pero pa regenbak cu ta mas grandi por haci uso di piscanan “Tilapia” cu por tiranan den e regenbak y e piscanan aki ta come e larvanan di sangura cu ta evita di bira un criadero di Dengue.

   Haci bon uso di e temporada di awasero cu kisas nos por haya algun yobida poco fuerte y colecta bo awa y asina usa esaki conciente pa medio di un sistema di irigacion cu ta ydabo spaar mas tanto awa posibel riba bo cultivo pero tambe riba bo meter di awa y bo recibo di fin di luna cu por ta astronomico. Corda tambe cu ta calor y kisas e matanan mester un poco awa extra y cu na mes momento ta yudabo tambe cu e extra awa cubo tin cu bay duna bo matanan.