Esmeralda Geerman a traha 44 aña na MetaCorp y awor ta bay disfruta di su pensioen

ORANJESTAD (AAN): Esmeralda Geerman a traha na MetaCorp te ora su momento a yega pa baha cu pensioen.

E tabata torah den administracion di Meta Pension Fund entre otro. Pero prome cu esey e tabata senior compliance officer y despues a ocupa varios otro funcion den administracion di e companianan. Den un ambiente masha ameno, empleado hunto cu directiva di MetaCorp a bini hunto na Suikertuin Restaurant pa celebra cu Esmeralda Geerman a baha cu pensioen bon mereci.

            Esmeralda a caba di cumpli 65 aña di edad y a traha 44 aña cu MetaCorp. Riba dia si su hacimento di aña a marca tambe e fecha pa e baha cu pensioen. Den tur tempo trahando cu MetaCorp, Esmeralda a ocupa varios funcion, entre otro accounting, internal audit, payroll pa varios compania y mucho mas. Pa e ultimo binti añana e ta percurando p’e fondo di pensioen di tur empleado di MetaCorp, cu ta importante pa tur participante. Awo el a pasa tur cos cu el a siña na su ex-coleganan pa sigui procesa e informacion. Un cos el a bisa nan, ta cu semper e t’ey pa yuda nan si mester di dje.

            Esmeralda Geerman ta considera MetaCorp un famia y de facto, e mes a conoce miembronan di famia de Veer desde cu nan tabata chikito y nan a crece hunto. Semper cu famia de Veer, kiermen e lo ta un rato mas cu nan.

            Esmeralda ta desea su coleganan tur cos bon y cu nan por conta semper cu su cooperacion si ta necesario. E ta gradici na henter e famia, famia dje compania, cu e por a yega asina leu.