Esaki ta su di diez aña como Rey

E aña aki ta exactamente 10 aña cu Prins Willem Alexander dia 30 di April 2013 a huramenta como Rey Willem Alexander den e capital De Nieuwe kerk.

Despues cu Reina Beatrix a firma e acta di abdicacion y cu lo keda como Prinses, Rey Willem Alexander hunto cu su casa Reina Maxima a duna un saludo na e balcon di e palacio na De Dam.

   For di e dia ey tur actividadnan enconeccion cu Aña di la Reina a worde pasa pa 27 di April ya cu for di 2014 esaki ta e dia nobo cu lo celebra Dia di Rey.

For di 2014 Aruba ta celebra dia 27 di April, Dia di Rey.

   Di Prins pa Rey: Prins Willem Alexander a nace dia 27 di April 1967 como e prome yiu di Prinses Beatrix y Prins Claus der Nederlanden.

   E prins a bini na mundo den e hospital Academico di Utrecht. Su infancia e Prins a pase ariba e Kasteel Drakensteyn den e comunidad  Lage Vuursche. Prins Willem Alexander  tin dos ruman homber: Prins Johan Friso (1968) y Prins Constantijn (1969).

  Prins Willem Alexander a sigui su estudio basico na e school Nieuwe Baarnse na Baarn. E Prins a cuminza su school secundario na Baarns Lyceum.

  Dia 30 di April 1980 e investidura a tuma lugar di Beatrix como Koningin der Nederlanden. Como consecuencia di esaki Prins Willem Alexander como yiu mayor a bira e prome heredero di trono y cu esey el a obtene e titulo di Prins van Oranje, un titulo cu desde 1815 a keda reserva pa e yiu mayor di e Rey.

  Dia 2 di Februari 2002 Prins van Oranje a casa cu Maxima Zorreguieta. E casamento a tuma lugar na Amsterdam.

E pareha Real tin tres yiu muher Prinses Catharina-Amalia, Prinses Alexia y Prinses Ariane.