Entiero di Jose da Silva acompaña pa atleta cu esnan di Harley y Taxistanan

ORANJESTAD (AAN): E conocido coredor di distancia largo, como tambe coredor di Harley, y alavez taxista, Jose da Silva a wordo hiba riba Diabierna pa su ultimo lugar di sosiego.

   Como un forma pa rindi tributo na dje, varios atleta bao guia di Alrric Kock a core hunto cu e corteho funebre cu a yega te na Misa Santa Anna na Noord.  El a wordo acompaña tambe pa varios coredor di Harley, y tambe Taxistanan cu a bin demostra nan respet y despedi di nan amigo, cu ta core TX-150.

   A nota cu tur hende presente na entiero a cumpli cu protocol y reglanan sanitario pa cu e pandemia durante e entiero aki.  Cu Jose sosega na paz.