Diane Croes cu cancion pa tur mama di candidatanan di Miss Teen Aruba International 2021

ORANJESTAD (AAN): Diasabra anochi den Sala di Unoca na Cas di Cultura, a  tuma lugar e introduccion di 8 candidata nobo pa e certamen di Miss Teen Aruba International 2021. 

E event organiza pa GW Foundation, a percura pa un limita di persona presente, y tur hende cumpliendo cu protocol y reglanan sanitario.

   Dado momento ora cu tur candidata nobo tabata riba escenario, e presentador George Winterdaal a pidi pa mama di cada candidata subi escenario.  Posteriormente Derrel Lampe, kende ta Mr. Supranational Aruba, a entrega un rosa na cada mama.

   Asina a sigui cu e artista invita, Diane Croes, kende a canta un bunita cancion dedica na cada mama, cu riba escenario cu nan rosa den man, a admira e momento special aki.  Esey a socede apenas algun ora prome cu Diadomingo a drenta, cu ta Dia di Mama.