Entiero conmovedor di legendario musico Joy Kock

ORANJESTAD (AAN): Diahuebs atardi a tuma lugar acto di condolencia y despedida di e legendario musico Jesus Maria Jose Kock,

mihor conoci como ‘Joy Kock’.  Esaki a tuma lugar na Aurora Funeral Home.

   Un persona cu un carera impresionante como musico, y posteriormente a bira un lider pa duna guia y defende musiconan en general na Aruba.  Cu hopi vision y balentia pa yuda tur musico, y tambe e industria di musica riba e isla, atravez di añanan el a logra di haya hopi admiracion pa su forma corecto di traha no djis pa defende cada musico, sino pa pusha Aruba bay dilanti riba tereno musical y cultural.  E tabata activamente envolvi tambe den deporte.

   Entiero conmovedor cu presencia di hopi musico cu a bay despedi di Joy.