ORANJESTAD (AAN): E compania Qredits Aruba tin un solo mision, esta pa yuda mas hende bira un empresario, pues bira e ora doño di nan mesun compania.
Y pa purba inculca e idea aki cerca futuro comerciantenan, a opta pa cuminza planta e idea aki cerca alumnonan di scol secundario caba.
Y pesey mes, recientemente un di e empresarionan local di Kulture Cafe Aruba na San Nicolas, esta Nicholas Gordon a acudi na La Salle College MAVO, pa asina comparti cu e alumnonan e viahe cu el a cana den pa logra esey, y a enfatisa hopi riba atributonan personal, e balor di no pusha cosnan tras di otro, y e importancia di tin habilidadnan unico.
Nick Gordon a enfatisa riba e pensamento cu bo tin di keda original, ser unico, y explora varios ruta di carera cu sigur ta fit den bo pensamento.
“Descubri bo pasion, conoce bo mes, y traha bo mesun caminda pa exito,” ta e conseho principal cu Nick a comparti cu e alumnonan di La Salle.
https://diario.aw/categories/noticia/general/empresario-local-a-bay-inspira-alumnonan-di-la-salle-college#sigProId4d6cd5809a
