Empleadonan di Iberostar a completa ‘Vegan Training’ y a haya certificacion

ORANJESTAD (AAN): Iberostar ta orguyoso di anuncia cu su ekiponan di F&B y Culinario na JOIA Aruba by Iberostar a

completa exitosamente “Specialized Vegan Friendly Training” y a logra certificacion, marcando un otro paso den e compromiso di e compania pa continua siña un modelo di turismo responsabel y ofrece un experiencia excelente den culinario.

   Como parti di e Procedura Operativo Standard di e compania, tur menu di hotel ta rekeri pa ofrece por lo menos 30% di opcionnan favorabel pa personanan cu ta vegan, asegurando cu e huespednan tin un variacion amplio di opcionnan di halto cualidad basa riba mata. E training a wordo ofreci pa eleva e habilidadnan di e ekipo culinario di JOIA Aruba y pa avansa su metanan di sostenibilidad. E ta sostene tambe Iberostar Wave of Change, e movimiento di e compania pa promove un modelo di turismo mas responsabel, adelantando accionnan cu ta yuda contribui na reduccion di impacto climatico, proteha naturalesa, y ofrece huespednan un variacion mas amplio di opcionnan di cuminda di halto cualidad basa riba plantanan. E training aki ta representa un otro paso den e plan di accion di e compania pa reduci su impacto di carbon.

   E certificacion cu a wordo otorga door di e compania Vegan Hospitality ta reconoce e conocemento y habilidadnan cu e miembronan di e ekipo a adkiri via di un programa completo di training enfoca riba standard di ingrediente, terminonan clave, productonan di animal cu ta wordo uza den proceso di bebida, sales data analisis y proyeccion pa estilo favorabel pa plantanan, plant-based cuisine, tecnicanan di preparacion di cuminda, y miho practicanan pa acomoda preferencianan dietetico pa personanan cu ta vegan.

   Un elemento clave di e training tabata enfoca riba refina y adapta menu existente caba en bes di simplemente introduci platonan nobo. Door di siña con pa modifica recetanan y tecnicanan di cushina, e ekipo culinario a logra incrementa e cantidad di opcionnan favorabel pa personanan cu ta vegan mientras sigui preserva e sabor, presentacion y cualidad di e cuminda.

   E logro aki ta mehora e esfuerso di e profesionalnan di Cushina y Food & Beverage di e resort, kende nan dedicacion na mehoracion continuo y desaroyo profesional a haci e certificacion aki posibel. Nan disposicion pa acepta conocemento nobo y mehora nan habilidadnan ta mustra con training continuo ta contribui na crecemento personal y excelencia operacional.

   “E iniciativa aki ta mehora nos dedicacion continuo pa eleva e experiencia di nos ekipo, entregando un experiencia di trabao di halto balor, y impulsa un sector di hospitalidad mas sofistica,” Chef Ludwich a declara. “E certificacion aki ta refleha e entusiasmo di nos equipo pa siña nan compromiso cu excelencia, y nan habilidad pa transmiti esaki den mehoranan significante pa nos huespednan.”

   E exitoso training y certificacion aki ta resalta e inversion continuo di Iberostar den desaroyo di su empleadonan y ta mustra con e empoderamento di miembronan di ekipo cu habilidadnan nobo por yuda crea beneficionan duradero pa hende y huespednan.