ORANJESTAD (AAN): Durante un anochi relahante y dibertido, Wind Creek Aruba a organiza un get-together pa periodistanan local,
pa di e forma aki mustra nan aprecio pa e sosten y dedicacion continuo cu nan ta ricibi di prensa na Aruba.
Nan a haci esaki cu actividad dibertido na 5 o’Clock Somewhere Par & Chill na Renaissance Marketplace. Aki e periodistanan a haya chens di combersa, y tambe a purba nan suerte ta swing algun bala di golf, tira basketball den hoops, y tambe purba scop goalnan di penalty, via e sistema computariza cu nan ta dispone di dje.
Un momento di yen combersacion, y na final e periodistanan a aprecia un mundo loke e ehecutivonan di mercadeo di Wind Creek Aruba a haci pa nan, y tur di nan a sali cu sonrisa grandi riba nan cara.
