Empleadonan di DIARIO a observa ‘Dia di Prensa’ cu un desayuno

ORANJESTAD (AAN): Pa e colegialidad cu nan tin pa otro durante henter aña, personal di DIARIO

a dicidi na acudi na un Desayuno den Allegra Bistro na Courtyard by Marriott, pa di e forma ey observa Dia di Prensa.

  E tabata un mainta yen di combersacion, cu contamento di anecdota, haya sa storia di famianan di empleadonan, detaye di nan yiunan cu ta studiando den exterior, y na mesun momento disfruta di delicioso desayuno cu e personal atento di Allegra Bistro a sa di presenta.

  Tur e fruta fresco, producto di panaderia y pasteleria a wordo purba y gusta door di personal di DIARIO.  Un mainta hopi relahante y tur hende a keda den bon humor, y sigur e deseo a ser treci dilanti pa haci esaki algo mas regularmente durante henter aña.