Aruba Marriott Resort a resalta cu nan anochi pa prensa

ORANJESTAD (AAN): Riba Diabierna anochi, Aruba Marriott Resort a tene un evento exclusivo como gradicimento na prensa local. 

Y nan a haci esaki den forma di un Cocktail Hour, sigui pa un Cena unico cu areglo di Biña, pa conmemora Dia di Prensa.  Alavez, e tabata un momento unico pa duna bon bini na e Complex Executive Chef nobo, esta Andrés Dávila kende a yega 2 luna pasa for di Ecuador.

   La Vista Restaurant a worde transforma den un comedor di magia, unda den e estilo di Chef’s Table, tur media cu nan invitadonan a haya chens di admira, analiza, y disfruta di loke e Chef nobo ta presenta su mes, esta platonan culinario unico cu a worde traha na man y di e forma aki a hiba tur hende rond mundo cu su forma di cushina.