Empleadonan di biblioteca y boluntarionan ta cuminsa riba un proyecto di Mosaico

ORANJESTAD (AAN):   Hunto cu artista di Mosaico, sra. Enrita Werleman y su colega ilustradora sra. Ria Arrindell-Broeks,

empleadonan di biblioteca y boluntarionan ta cuminsa riba un proyecto di Mosaico. Esaki ta un proyecto den cuadro di biblioteca su celebracion di 75 aña di trabou di biblioteca na Aruba.

Ta e idea pa decora un mesa y dos banki di beton bou palo, pafo di e edificio principal. Sra Enrita Werleman y su colega a duna un splicacion di e proyecto na tur esnan interesa pa duna un man.

A splica con ta bay ehecuta e proyecto aki. Sra. Ria Arrindell-Broeks a traha riba e diseño pa basta tempo y esaki ta un combinacion di diferente ilustracion di buki pa mucha.

Sra. Ria a ilustra diferente buki di mucha den pasado. Biblioteca ya yama danki grandi na e artistanan y nan studiantenan como tambe na e coleganan.