Emotivo tributo postumo pa despedi di Bibi Gibbs

ORANJESTAD (AAN) – Diahuebs anochi, den e Parkinglot di Centro di Bario Brasil, famia y amigonan a rindi un tributo postumo, hopi emotive, na e Musico Bibi Gibbs.

Diferente Brass Band, y grupo musical cu cual e Musico hopi stima aki a participa, tabata presente. Asina e despedida di e restonan mortal di Bibi Gibbs a tuma lugar, den un ambiente di respet cu e oportunidad di expresa sentimentonan di convivencia na e famia.

Un cantidad grandi di persona a tuma parti di e tributo aki, y a firma e buki como testimonio di nan asistencia.