ORANJESTAD (AAN) – E Marketing Assistant di SERLIMAR, Georxinia Croes, a hiba palabra den e conferencia di prensa convoca pa Serlimar,
Diabierna mainta, y el a elabora tocante e tarifa di pension cu e compania a fiha, e boet cu nan ta bay cuminza pone y den ki caso, ademas di e costo pa cancelacion di bari.
Georxinia Croes a splica cu esaki ta regarda e persona cu ta cobra pension di SVb y cu por bay te dos persona den un cas cu ta cobra e pension aki. Kiermen, si e ta solamente un pension si ta un bez mas cu un pension y/of e cliente aki ta traha, e ora ey no lo conta pa e tarifa di pension. Pa esnan cu e tarifa ta conta, e ta 10 florin pa luna.
Pa e clientenan di Serlimar cu ta bao bijstand, no lo tin un cobranza pa fin di luna, pero e compania si ta pidi pa na fin di aña bin renova esaki, pa Serlimar ahusta esey pa e servicio keda na e suma di cero florin.
“Tambe nos a bin cu otro punto cu nos ta cuminza cobra boet. Tur luna, cada fin di luna cu no ta paga esaki, nos ta cobra un boet di 5 florin. Nos ta bay wanta esaki te cu fin di Maart, y si pa fin di Maart no a paga, pa cuminzamento di April e ta bira 15 florin, pa e lunanan di Januari, Februari y Maart”, Croes a señala.
Otro asunto cu a bin acerca ta cu ora di cancelacion di bari, Serlimar lo cobra diez florin pa recoge esaki bek. Y tambe si dos luna pasa y ta nota cu no tin pago, Serlimar lo recoge e barinan aki y tambe lo pone e suma di 10 florin di boet.
