ORANJESTAD (AAN): Durante un encuentro Minister Xiomara Maduro y Minister Dangui Oduber a gradici e grupo di acrobista RCC Aruba pa e tremendo promocion cu nan a duna Pais Aruba.
Na januari 2022, e grupo di acrobatista a participa na un competencia internacional di Circo ‘Budapest Circus Festival’ cu ta e di tres competencia internacional di Circo mas reconoci rond mundo.
RCC Aruba a cosecha hopi exito durante e Circus Festival na Hungria y a gana e tercer premio di brons. Na nomber di Gobierno di Aruba y henter pueblo di Aruba, Minister Xiomara Maduro y Minister Dangui Oduber a felicita e hoben artistanan y a gradici Sr. Diego Emilio Garzon Sierra, sr. Juan Camilo Aguillon, sr. Jhon Freddys Badillo, sr. Juan Felipe Marin Rios y na e directornan sr. Diego Jaramillo Ospina y sra. Yamila Hernandez Ramirez pa e tremendo trabou cu nan ta haci promoviendo Aruba internacionalmente.
