Elmar ta patrocinador orguyoso di Touch of Steel

ORANJESTAD (AAN): Pa staf y personal di NV Elmar, sigur ta un orguyo enorme pa mira con nan ta contribui pa purba mantene e cultura musical di Aruba keda bibo. 

Na e Noord Sunset Parade di Diaranson anochi, nan a presenta pa admira e bunita trailer musical cu e grupo ‘Touch of Steel’ a subi caya cune pa toca.

   NV ELmar, como compania local y celebrando 75 aña, ta orguyoso di por aporta na Touch of Steel, un grupo di musiconan talentoso y local treciendo musica Caribense pa engrandece North Sunset Parade. Touch of Steel ta cla pa pone bon ambiente.