A cuminsa cu un grupo nobo pa adulto mayor na Fundacion Centro Famia Piedra Plat

ORANJESTAD (AAN):  Recientemente a cuminsa un grupo nobo pa adulto mayor na Fundacion Centro Famia Piedra Plat.

Riba iniciativo propio a lanta un comision di 5 persona pa inicia cu un grupo pa 60+
            E Comision ta consisti di e siguiente personanan: Adriaan Berg, Lilia Bisslik, Faritah Luidens, Chantal Ecury y Yolanda Wolter como consehero.

            E tawata un mainta hopi ameno y bunita unda tabata tin 32 Adulto mayor presente cu a bin registra y alabes scucha un dushi dande.

            E Programa ta bay ta 2 biaha pa siman tur diamars y diahuebs di 9:30 pa 11:00 AM. Y lo bay consisti di fysio terapia, baile terapia y tambe difirente programa educativo etc. Comishon a keda hopi contento cu e acogida cu tawatin.