Elmar contento cu e prome grupo di “Workshop Klik y Siña” a gradua  

ORANJESTAD (AAN): Den colaboracion cu Señora Jacqueline Woodley, e compania NV Elmar a lansa e workshop

pa empodera nos adultonan mayor cu habilidadnan digital esencial, inclui servicionan digital di Elmar.

   Alavez, Elmar a contribui cu un donacion di computers na YMCA San Nicolas pa haci e iniciativa posibel.

   E programa ta yuda pa fortalece e confianza y facilita e participacion di adultonan mayor den e mundo moderno di awendia. Nos ta compromete pa sigui brinda sosten na bienestar di nos comunidad, specialmente San Nicolas, den nos mision pa promove inclusion digital y empoderacion di adultonan mayor.

   Un palabra di danki na Jacqueline Woodley y YMCA San Nicolas pa e colaboracion continuo, y corda cu e mundo digital ta pa tur edad.