ORANJESTAD (AAN): Na Colegio San Antonio MAVO na Santa Cruz tambe a para keto y recorda esnan cu no tey mas,
esnan cu ta luchando contra cancer di pecho, y tambe pa concientisa tur hende, specialmente e sernan femenino riba nos isla pa corda controla regularmente.
Tin cu a bay scol bisti na roos na honor di un familiar, un colega, un amiga. Casi tur hende conoce un persona cu a of ta luchando cu cancer na pecho. E victimanan aki ta keda wordo recorda, y nan ta haci oracion pa pronto recuperacion. Y pa esnan cu no tey mas, lo keda recorda boso como sernan balente cu a lucha te na final.
Directiva di Colegio San Antonio MAVO ta manda bisa danki na tur cu a aporta na e colecta pa Mary Joan Foundation tambe.
