Eclipse Parcial di Solo diasabra 14 di October a wordo mira na Aruba exitosamente

ORANJESTAD (AAN): Aruba Astro Research Int. e asociacion nacional arubano di astronomia ta informa cu e evento di eclipse parcial di solo a bay perfecto.

            Aruba Astro Research Int. tabata hunto cu e pueblo e biaha aki na Coba Lodo na Sta. Cruz cual ambiente tabata sublime tur hende por a gosa y por a mira e evento di eclipse paso Aruba Astro Research Int. tabata tin bril disponibel pa por a observa e eclipse.

            Aruba Astro Research Int. tabata ariba un observacion y na unda pueblo y prensa y medianan por a haci uso di tur facilidad cu tabata disponibel pa por a mira e evento celestial aki den un ambiente di union manera un evento di eclipse ta trece cune semper.               

            E observacion, sacamento di potret y filmacion como tambe transmision via livestream a bay bon pero pa un duracion cortico pa motibo a contronta cu un problema chikito cu internet.

                        E evento cu a wordo observa na Aruba tabata un Eclipse Parcial di Solo so nos no por a mira e Annular Eclipse pesey tur esnan cu a post un potret di Eclipse Annular di Solo esey no a tuma lugar na Aruba.

            Full e timeframe di e evento a bay precies manera a wordo calcula e evento di eclipse parcial di solo na Aruba a inicia pa exactamente 12:42 pm di Diasabra merdia y e maximo di e eclipse a tuma lugar pa exactamente 2:27 pm di Diasabra merdia y e evento di eclipse parcial di solo a termina pa 4:03 pm di Diasabra atardi aki na Aruba.

            E fase di e eclipse parcial di solo tabata 10 fase y tur e 10 fasenan a wordo observa perfectamente na Aruba y e condicion di tempo tabata perfecto y 99% shelo cla y hopi solo.                                                                    Loke por a sinti si cu despues cu e sombra di e luna a bandona e solo pa 4:03 pm di atardi e solo a bira mas briyante y intenso y kima mas.

            Durante e observacion Aruba Astro Research Int. a ricibi un telescope grandi y potente como donacion cual tabata un gesto di famia Peña na e asociacion como aprecio pa nan bon trabou y gradici Sr. Marcos Bislip presidente di Aruba Astro Research Int.

            Aruba Astro Research Int. ta hopi satisfecho con e evento celestial di eclipse parcial di solo na Aruba a bay Diasabra Dia 14 di October 2023.