ORANJESTAD (AAN): Ateliers '89 Punto di Beyas Arte Aruba tin e honor di invita bo persona pa e apertura di su exposicion titula; ''It's Art Because I Say So''. Diahuebs 19 di October 2023 pa 8 pm.
Bou di direccion di Jan Hoek e participantenan a traha pa un luna pa investiga kico y ki ora algo ta arte of no? Un exposicion yena cu polemica cu bastante artista local invita.
Presentando nan mes un obra di arte, y e manera di traha nan arte. Y cu nunca a yega di haya un oportunidad di por mustra nan obra, na e publico amante di arte.
Manera e obranan especial y apart di Chando Held, Carole Habibe, Sandy Bruynzeel, Johnny Jones y Dr. T- Chini Bolton. Dunando oportunidad na tur e personahenan aki y nan obra diferente Ateliers '89 te mustra un bes mas cu e ta keda balorisa e arte di Aruba en general y duna oportunidad na un y tur.
Puntra bos mes kico ta arte y kico a bo ta considera arte? E participantenan di e workshop aki mester a bin dilanti cu nan mes un propuesta pa e exposicion final y pa e motibo aki e ta haci e exposicion final hopi mas interesante.
Tur esaki cu obranan di Dinant Esschendal, Juliana Ansmendy, Kimmy Heronimo, Aldrich Kelly, Jarmaine Acosta, Romelinda Maldonado, Arturo Desimone, Ivetta van Veen, Suzanne van Spall, Farley Croes, Madelene Kelly.
Mustrando nan obranan nobo tur e artistanan aki lo tin un sorpresa grandi pa bo mira. Diahuebs 19 di November pa 8 pm, acompaña cu musica di Dj Adriano Nanof y cu entrada liber.
