Eclipse lunar lo ta visibel na Aruba diadomingo awor

ORANJESTAD (AAN):  Pa tur esnan cu gusta e tema di e luna y otro astronan,

ta asina cu Space and Nature Aruba Foundation a indica cu e asina yama eclipse total di luna 'blood moon' lo ta visibel for di Aruba diadomingo 15 di Mei pa amanece dialuna 16 di Mei proximo.

E luna lo crusa e sombra di Tera, creando un eclipse lunar total. E eclipse lo ta  visibel na cualkier lugar unda e Luna ta riba e horizonte na e momento ey, incluso for di Africa, America, Europa y Polynesia Frances.

For di Aruba, e eclipse lunar lo ta visibel na cielo pazuid, si tempo ta permiti. Lo inicia  21:32 y lo alcanza e maximo na 12:11 AM,  unda e eclipse maximo lo dura 42 minuut. E Luna ta bay  recupera e luminosidad total pa 2:50 AM (tur ora ta segun ora local di Aruba).

Asina ta cu keda pendiente pa diadomingo awor. Por haya mas detaye riba e link adhunto: