E mihor conseheronan di Aruba a briya den evento di Premionan Anual di Sagicor

ORANJESTAD (AAN): Informacion for di Trinidad & Tobago, a mustra cu den Hyatt Regency Trinidad & Tobago,

a tuma lugar e tan anticipa Ceremonia Anual di Premio di e compania Sagicor, y e biaha aki a uza e tema poderoso ‘Legacy Amplified’.  E anochi special a reuni e top conseheronan, lider- y miembronan di ekipo cu a duna mihor prestacion for di Aruba y Trinidad & Tobago, pa un celebracion cu a honra tanto e compromiso duradero como tambe e prestacion excepcional durante 2025.

   A haci entrega di premio na e miembronan di ekipo di e liñanan di negoshi di e compania financiero na Aruba y Trinidad & Tobago, cu e ekipo di Aruba lidera orguyosamente pa e gerente general Randall Croes, y e ekipo di benta lidera pa gerente di benta Sonja Velthuizen.

   E anochi di celebracion a cuminza cu un sincero homenahe na e etapa di hopi aña di servicio di e President y CEO di Sagicor Life Inc., Robert Trestrail, kende a rindi homenahe na personanan cu a cumpli 20, 25, y 30 aña di servicio den e organizacion.

   Despues di cena, e focus a bay riba esnan cu a sobresali den prestacion.  Aki e Chief Revenue Officer Paul Inniss y Vice-President di Benta, Jacinto Martinez a presenta premio reconociendo esnan cu a destaca mas den produccion y captamento.

   Mientras cu e evento aki, e premionan a wordo entrega na e reconocementonan mas prestigioso di e organizacion.  E honornan final aki a encapsula e esencia di “Legacy Amplified”, celebrando e individuonan di cual nan prestacion no tabata djis sobresaliente, pero a eleva henter e organizacion.  Esaki ta e lista di e principal ganadornan di e anochi:

(*) ‘Club di Honor’ a bay pa Natalia Marquez-Hidalgo, Shameeza van Loon, Fatima Bernier, y Leila Faustin.

(*) ‘Mihor Agente den Ingreso pa Primanan Netto Anualiza y Comisionnan Netto Anualiza’: Gregory Lyder.

(*) ‘Mihor Agente den Persistencia’: Leila Faustin.

(*) ‘Consehero di Aña’: Shameeza van Loon.

   Premionan Anual 2026 a sirbi como un recordatorio poderoso cu e legado di Sagicor no ta statico, sino cu e ta wordo construi continuamente, expande, y ta wordo amplia door di e personanan cu ta carga su balornan cada dia.

  Riba potretnan por mira Shameeza van Loon, kende ta e top overall producer na Aruba pa 2025, na momento cu e ta ricibiendo su premio di Robert Trestrail, president y CEO di Sagicor.   Tambe por mira Nathalia Hidalgo-Martinez, ta pose cu Jacinto Martinez, kende ta Vice-President di Benta pa Sagicor Life Insurance TT, ora cu e ta ricibi su premio pa produccion na e Sagicor Annual Awards.  Tambe por mira momento cu Leila Faustin ta ricibi su premio pa ‘Leading Producer – Persistency’ for di man di Paul Inniss, kende ta Chief Revenue Officer di Sagicor Life Southern Caribbean.