E forma unico cu Colegio Conrado Coronel a despedi di alumnonan di Klas 6

ORANJESTAD (AAN): Siman pasa tabatin e ultimo dia di scol, y un biaha mas e scol basico Colegio Conrado Coronel a

organiza un “salida special” pa despedi di tur alumno di Klas 6, cu awor ta bayendo pa scol avanza.

   Docentenan a para na salida di scol, y e alumnonan a pasa cana door di e paseo di honor, caminda a anima y despedi di cada uno.  Di e forma ey, cu un curazon tristo pero alabes contento, cabesante y docentenan di Colegio Conrado Coronel a despedi y ta convenci cu cada uno di e alumnonan aki a keda cla pa e siguiente paso.

   Por a mira cu hasta e caranan di e alumnonan tabata mustra di tin sentimento mixto.  Pero danki na e educacion fuerte ricibi na e scol, nan tin un ruta bon prepara nan dilanti y nan ta cla pa enfrenta esey.  Pa awo nan lo goza di un vakantie bon mereci.