E area mas afecta den caso di tsunami lo ta parti pazuid di Aruba

Rino Hermans di BRA:

*Como pais mester ta prepara pa cualkier eventualidad 

ORANJESTAD (AAN):  Den un caso real di tsunami, hopi hende no sa precis kico nan tin cu haci. Rino Hermans di Bureau Rampenbestrijding Aruba (BRA) a duna di conoce cu den caso di un alerta real di tsunami, e prome cos cu un persona mester haci ta bay 2 kilometer leu for di e costa.

            El a enfatisa cu no mester core bay subi Hooiberg pasobra Hooiberg no ta carga ni 20 mil habitante. Mester aleha 2 kilometer for di e costa.

            E area mas afecta ta pazuid di Aruba y e ta cruel pa Aruba pasobra tur e depositonan di cuminda, hospital, sector turistico ta den e area cu lo bay haya mas daño.

            Mester concentra den kico ta e consecuencianan si no ta prepara pa un tsunami regional.

            Mester corda cu durante Covid, Puerto Rico tabata tin 14 temblor y un di nan por a coy un tsunami. Port tin erupcion di volcan, cu ta locual a train diahuebs y esaki por a conduci na un tsunami.

            Na 2010 tabata tin un temblor na Haiti y e por a ocasiona un tsunami. Segun Hermans, e menasa ta birando cu frecuencia y e posibilidad pa un tsunami tey.

            Aworaki ta wak cu cambio di clima ta activando volcannan, temblor locual kiermen cu como pais mester ta prepara pa cualkier eventualidad, e experto di BRA a remarca.