DOW ta pidi pa tira bista loke ta wordo tira den e sistema di riolering

ORANJESTAD (AAN):  Departamento di Obranan Publico (DOW) a informa di otro situacion fastioso na e pompgemaal di Monserat.

Akinan a bin haya residuonan basta grandi cu ta causa problema den e sistema.

Pa e motibo ey, DOW ta pidi pa tira bista loke ta wordo tira den e sistema di riolering.

Situacionnan asina ta trece cu e pomp ta “plok” y e awa ta bin halto cu un holor desagradabel pa e vecindario.

Tambe, mas tempran un otro situacion fastioso a keda constata den e pompgemaal na Palm Beach. Esaki ta un put yena cu vet di cushina.

Tene cuenta cu esaki pa evita cu cosnan asina sigui sosode. 

Potretnan: Facebook Page DOW Aruba