DOW cu actualisacion relaciona cu e proyecto 'Renovacion Trapi na Roger’s Beach'

Fin di April ta premira cu proyecto lo keda cla

ORANJESTAD (AAN):  Departamento di Obranan Publico (DOW) a indica diaranson cu e proyecto a inicia dia 17 di januari 2022 y ta proyecta pa caba dia 29 di april 2022.

Contratista CVC Construction & Management ta esun cu ta trahando riba e proyecto y e costo pa construi e trapi ta Afl. 121.000,-.

E proyecto ta encera: Sloop full e trapi existente cu tabata den hopi mal estado.

E trapi nobo lo bin cu “gewapend beton” basha cu hoogovencement pa asina garantisa cu e milieu di laman no afecta e trapi pa hopi aña.