Dos Venezolano y dos Colombiano deteni na Chile pasobra a mata y come un zeeleeuw

SANTIAGO: Dos Venezolano y dos Colombiano a keda deteni door di Polis cu ta Proteha Medioambiente y Patrimonio Cultural (Bidema) di pueblonan Arica y Parinacota,

pasobra nan a jaag, mata, y come un zeeleeuw (“sea lion”), cu ta un especie marino cu ta protehi na Chile.

   E caso aki a wordo detecta Diasabra atardi na sector La Puntilla na costa unda a bin haya cuatro persona ta cushinando un pida di 20 kilo di e animal, riba un grill.

   Oficialnan di Polis pues a gara nan cu man den mansa, y mesora a detene nan como cu nan a viola Articulo 139 di ley 18.892 di Pesca y Aguacultura.

   Autoridad a haya cuero di e zeeleeuw aki canto di costa no hopi leu di e tent cu nan a traha pa biba bao di dje.  A haya tambe dos cuchiu grandi di cushina cu e restonan morto di e animal.