Dadou: sosega na paz
Cu inmenso tristesa nos a ricibi awe mainta e noticia cu Paul Croes, pa nos miho conoci como “Dadou” a fayece. Nos a conoce Dadou ora nos tur tabata "teenager", mucha ainda, yen di bida, yen di imaginacion, yen di gana pa studia, pero tambe di haci pret, haci cos di "mala mucha" y biba bida cu mas tanto posibel alegria, goso y energia.
Ta apenas 1 siman pasa nos a tene nos reunion di Klas 5-A, 1972: 18 di mei 2022 tabata exactamente 50 aña pasa cu nos a caba HBS A na Colegio Arubano. Nos a hari, haci chansa, comparti nos experiencia di bida ... Pero mas cu tur cos nos a duna otro cariño y atencion y aprecio ... asina contento di topa otro atrobe. Nos no tabata sa cu nos tabata tumando despedida di Dadou. Aunke hopi tristo, nos ta alabes hopi agradecido cu nos por a topa ainda cu nos amigo di klas. Condolencia na henter famia di Dadou. Cu Dadou su alma sosega na paz.
Ava Thodé
Bea Ho-Kang-You-Habibe
Caspar Croeze
Charmaine Pappers
Lydia Emerencia
Nico Luydens
Rudi Oomen
Vivian Storm-Croes
