Dos studiante di Higiene Dental di Belgica a duna lectura na International School of Aruba

ORANJESTAD (AAN): Directorado di International School of Aruba ta ofrece palabranan di hopi danki na Helen y Bodine,

dos studiante di ultimo aña di Higiene Dental di UCLL University of Applied Sciences na Belgica, cu a tuma tempo pa duna lectura y educa e studiantenan di scol basico riba e importancia di habito saludabel pa cuida djente.

    Nan lesnan cu tabata atractivo y interactivo, a pone cu lesnan a bira dibertido y significante, y e alumnonan a adkiri conocemento balioso cu ta bay acompaña nan pa hopi aña.

   Tambe nan kier gradici All Care Dental Clinic y Dr. Marvin van der Linde pa nan donacion generoso di skeiro di djente pa nan studiantenan.  E sosten aki a yuda cu e experiencia aki a bira aun mas special y significante.

   E studiantenan a siña asina hopi den un forma dibertido y positivo, y e scol ta berdaderamente gradici cu tur esnan cu a participa pa inverti den salud y bienestar di muchanan.