Dos hubilario special na Scol Basico Washington

ORANJESTAD (AAN): Recientemente tabatin un momento di alegria, ora cu interim Manager di Departamento di DPS,

esta Sra Roelien Hofman a pasa felicita dos docente na Scol Basico Washington.

   Esey ta debi cu juffrouw Mirla Lande-de Cuba a recorda e hecho cu 30 aña pasa el a cuminza su carera como docente di scol.

   Tambe a observa cu juffrouw Tania Croes a recorda e hecho cu 25 aña pasa el a cuminza su carera como docente di scol.  Anto juffrouw Tania a traha tur e 25 añanan aki na Scol Basico Washington.

   Ademas di palabranan di gratitud pa e bon trabao, y cu nan por sigui adelante cu mesun animo, señora Hofman a haci entrega di regalo tambe na tanto Juffrouw Mirla y tambe Juffrouw Tania.

   Pabien na e docentenan aki pa e bunita trabao y tur e añanan di dedicacion den enseñansa.