Dos cas den naturaleza ponebo pensa riba e Aruba Antaño

ORANJESTAD (AAN): Den fin di siman na momento cu fotografo di DIARIO tabata presente na veld di Maria Maai ta saca potret di weganan amistoso di Softball, bista a bay riba 2 cas cu ta visible for di un distancia.

   E casnan aki ta construi riba un pida sero chikito, cu ta duna e habitantenan sigur un bista amplio pa e naturaleza cu tin rond di nan.  Y aki bo ta pensa mesora cu e brisa di aire eyriba ta asina puro, considerando e hecho cu por ehemplo costa nort, ta apenas 4,2 kilometer leu.

   Y rond di nan, un monton di cadushi, tuna, kukwisa, kwihi, y baranca.