Donnalisa Laclé a ricibi premio di Miss Plus Disciplina

ORANJESTAD (AAN): Diasabra anochi den The Cage Nightclub a tuma lugar e instalacion di e candidatanan nobo pa Miss Plus Aruba 2021. 

  Tabatin publico presente cu a anima e candidatanan ora cu maestronan di ceremonia Alan Kock y Dani Boekhoudt a yama nan uno pa uno riba escenario.

   Di prome anochi caba, tabatin premio pa e candidatanan.  Asina a anuncia e ganadora di e premio di Miss Disciplina

   Esaki a bay pa e candidata Donnalisa Laclé kende ta representante di Dakota.  El a ricibi su medaya pa e honor special aki, y despues a cana riba pasarela pa saluda su fanaticonan.

   Organizador Tyrone Farro a indica cu e certamen final mes lo bay ta Diasabra 16 di October 2021 den Cas di Cultura.