ORANJESTAD(AAN): Fundacion Telefon pa Hubentud ta buscando hobennan entre 11 y 24 aña cu kier forma parti di nan asina yama Jongerenraad
y durante un conferencia di prensa, un di e 3 miembronan di e Jongerenraad actual Amanda Britten a splica cu e intencion ta pa busca 2 miembro nobo.
“E hobennan mester tin motivacion, creatividad, mester ta habri pa comparti su pensamento, ta interesa den hubentud di Aruba y por participa den diferente actividad”.
Den cuadro di esaki Telefon pa Hubentud a cuminza un campaña pa busca dos hoben, segun Britten.
El a splica cu pa por participa e hoben mester manda Telefon pa Hubentud su video di arte, poesia, baile, cancion of un otro forma di expresa sumes.
Bo por scoge entre e topiconan di: (*) Participacion di hubentud na Aruba. (*) E importancia di un ‘child helpline’ na Aruba. (*) E efecto cu COVID-19 tin riba e hubentud di Aruba. (*) Inclusion y Igualdad.
Bo por post bo creacion riba Facebook, Instagram, TikTok usando e #131Aruba of bo por mande na email This email address is being protected from spambots. You need JavaScript enabled to view it., segun Sneek.
E hobenan tin te cu dia 8 di September 2021 pa post/ manda nan creacion.
