Docentenan nobo a bira feliz cu nan a gradua na Instituto IPA

ORANJESTAD (AAN): Recientemente tabatin hopi alegria na Instituto Pedagogico Arubano, ora cu a anuncia resultado final.

   Esaki a bira e momento, unda cu cada uno cu a sigui e ruta pa nan bira docente, realiza ta con duro nan a traha, con hopi soño nan a perde, cuanto creatividad nan a hinca den nan cabez, y con hopi habilidad nan a engrandece nan alma cu ne.

   Y tur esaki a desemboca den e alegria cu nan a gradua, y awor oficialmente a bira docente den e sistema educativo di Aruba pa Enseñanza Primario.

   Palabranan di pabien na e.o. Murial Clark, Sulaine Wong, Magdaly Boekhoudt, Gabriela Rasmijn, Karen Perez, Ileentje Hoek, Zaira Lispier, Rachelle Rosario y Jenneviene Maduro.

   Den fin di siman cu a pasa, nan a bisti nan toga y trahenan di gala pa asina a ricibi nan diploma durante un ceremonia.