ORANJESTAD (AAN): E compania local di electricidad ta preparando algo grandi e luna aki.
DIARIO a haya sa cu nan lo bay tin un Open Dag grandi aki dos siman, esta Diasabra 25 di November na sede di Elmar na Oranjestad.
Nan ta conmemorando 100 aña di distribucion di coriente na Aruba, y cu e Open Dag aki, publico por yega pa asina explora e mundo di coriente cu e.o. demostracionnan di distribucion di coriente, informacionnan practico, cu hopi atraccion pa mucha, cu bar y cushina bon surti, y tambe lo tin musica bibo cu e grupo YX3M.
Elmar a indica di awor caba cu e evento ta completamente gratis, y mas informacion lo wordo suministra despues. Pero marca bo calender di awor caba pa bo bay conoce e team di Elmar y sinti e energia cu ta uni nos.
