Docente y alumnonan di Ceque College y Juliana School a bay pasa dia na Waterpark

ORANJESTAD (AAN): E ta un forma unico pa asina tur alumno existente, y esnan cu a caba di drenta e scol, tin chens di conoce otro y cera amistad.

   Pesey Ceque College MAVO hunto cu Juliana School MAVO a organiza un dia di diberticion na Aruba Waterpark.  Nan asina yama ‘Introductie Dag’ tabata special pa e alumno- y docentenan tambe.  Na e ocasion aki, e dos alumnonan a haci uso di e facilidad aki na Hooiberg pa asina goza di weganan haci den awa, y tambe tabatin wega riba e cancha miniatura di futbol.

  A compronde cu e dia tabata exitoso, y organizadornan ta feliz cu e bon cooperacion ricibi di Aruba Waterpark.