Director di LVV di Saba a bin mira produccion di berdura na Aruba

ORANJESTAD (AAN): Tabata Dialuna mainta, cu funcionarionan di Santa Rosa na Aruba,

tabata tin e placer di duna un recorido na Sr. Randall Johnson, Director di LVV na e isla di Saba hunto cu mas colega di inspectie gezondheid di e isla.

   Durante e mainta, nan a bishita Cunucu Watapana na Savaneta. Despues nan a haci un bishita na Koolman Farm y Happy Ponics na Paradera. Por ultimo nan a bishita Santa Rosa, caminda cu nan a mira e Seccion di Criansa y otro area nan di plantacion.

   Siman pasa e team di Santa Rosa a topa team di Saba na e conferencia di DCALFA na St. Maarten, y Dialuna tabata un placer di por duna e partner nan aki bon bini na Santa Rosa.