ORANJESTAD (AAN): Dr. Earney Francis Lasten, un educador y investigador veterano cu mas di 30 aña di experiencia internacional den seis pais,
a completa cu exito e Post Graduate Program in Artificial Intelligence and Machine/Deep Learning: Business Applications, presenta pa McCombs School of Business di The University of Texas at Austin. El a completa tur modulo di e programa cu distincion.
E programa intensivo di diez luna largo — cumpli hunto cu su responsabilidadnan completo di enseñansa — ta cubri programacion di Python, machine learning, deep learning, computer vision, natural language processing, generative AI, y model deployment, construi rond di un modelo di “siña-haciendo” cu proyectonan practico usando data real di negoshinan rond mundo. McCombs ta clasifica #6 na Merca pa su MS in Business Analytics (QS World University Rankings 2024).
E cohort di Dr. Lasten tabata forma pa profesionalnan senior for di organisacionnan global lidernan, incluyendo Apple, Microsoft, IBM, Tesla y Verizon. Segun e resultadonan di su programa, el a termina entre e top 20 mundialmente, cu un promedio di nota di 4.24 for di 4.33 y un distincion den cada modulo (A+).
“Completando e programa aki mientras ta duna les fulltime tabata exigente, pero mi ta kere cu nos studiantenan ta merece educadornan cu ta keda na paso cu e mundo cu nos ta prepara nan p’e,” Dr. Lasten a bisa. “Inteligencia artificial ya caba ta transforma cada industria riba e isla aki. Mi meta ta simpel: pa sigura cu hobennan di Aruba (y mundo) no keda atras, sino cu nan ta entre e promenan cu ta beneficia.”
E competencianan nobo tin aplicacionnan practico y directo pa educacion na Aruba. Dr. Lasten tin intencion di aplica data science y AI riba retonan manera identificacion tempran di studiantenan cu ta na riesco di stop cu nan estudio, e desaroyo di dashboard cla pa gerencia tocante tendencianan di matriculacion y presencia, e automatizacion di trabou administrativo rutinario, y e integracion di AI y alfabetisacion di data den e curiculo di prome aña — preparando studiantenan cu un bentaha demostrable den e mercado laboral arubano (y mundo en general).
Dr. Lasten a busca y financia e programa independientemente, sin fondo institucional (tin institutonan anticua cu mester cambia e mindset pa cambionan y inverti den mas intelligence). E ta describi e decision como un inversion personal den su studiantenan y su comunidad. “Mi a scoge pa inverti den esaki mi mes pasobra mi ta mira cuanto urgente e ta,” el a bisa. “E importancia di alfabetisacion di AI pa nos hobennan y nos economia ta mucho grandi pa warda.”
